.. مهما أنجزت لن تشعر بقيمتك الا إذا

"في صوت داخلي بيهمس: "طيب وبعدين؟

كان من الغريب جدا بالنسبة لي اني ادرك ان شعوري بالقيمة لا يتعلق اطلاقا بما حققته في حياتي من نجاح او انجازات شخصية او مهنية. الادراك ده كان بمثابة صفعة علي الوجه!

اشتغلت على نفسي كتير، نجحت "بمعايير المجتمع"، اتعلمت وحصلت علي شهادات، وصلت لمكانة مهنية محترمة، ربنا كرمني بأسرة جميلة، بعلاقات اجتماعية دافية. يعني، على الورق، المفروض أكون سعيد... لكن الحقيقة؟ لأ.

كان فيه جوايا فراغ، صوت داخلي بيهمس: "طيب وبعدين؟"

وقتها حسيت بحاجة غريبة جدًا... حسيت إني ماليش قيمة.
أيوه، رغم كل شئ ربنا وفقني لتحقيقه، حسيت إني تايه، ومفيش حاجة من اللي حققتها قادرة تملاني من جوا.

إزاي بعد كل اللي وصلت له، ألاقي نفسي مش حاسس بقيمتي؟ هل ده طبيعي؟ هل في غيري بيحس كده؟
وأكتر سؤال حيرني: هو أنا غلطان إني تخيلت إن النجاح هيخليني اشعر ان انسان ذو قيمة؟

اللي اكتشفته بعد فترة، واللي عايز أشاركه معاك في المقال ده، هو إننا كتير بنفهم القيمة بشكل غلط.