الشفرة المفقودة لحياة مليئة بالمتعة والإثارة
قواعد الاشتباك في لعبة تغيير الواقع
إحنا اتبرمجنا خلال رحلة حياتنا إننا نصدق إن الحياة مُعقدة، إحنا كبشر بنعشق التعقيد. بنرتاح لما الحلول تكون صعبة عشان نحس بقيمتها وأهميتها. لكن الحقيقة انه الحلول لأعقد مشاكلنا بتكون أبسط مما نتخيل!
حياة كل انسان هي في الاخر نتاج سلسلة من الاختيارات والقرارات. كلما كانت الاختيارات دي موجهه بتأثيرات خارجيه زي اراء الناس، نصائح المقربين، سلوك الأغلبية.. كلما كانت النتيجة النهائية حياة لا تشبهك. مهما توفر فيها من مظاهر النجاح هتفضل بتشعر جواك انك غريب.
بتكون عايش مع ناس مش شبهك، بتواجه مشاكل مفروضة عليك، مضطر تمثل الدور اللي اتكون من اختياراتك واتقنته علي مدار السنين. الدور اللي انت من جواك عارف كويس جدا انه لا يعبر عن حقيقتك. هو ده اللي بيخلي الحياة معقده.. اختيارتنا.
الحل بسيط: غير اختياراتك
بس حاسب! لازم تفهم إن "البسيط" لا يعني "التافه" أو "السهل". الإجابة على كل ألغاز حياتك موجودة في مبادئ فطرية، بتشتغل بمعادلة ثلاثية، لو طبقتها صح هتطير في السما، ولو طبقتها غلط.. هتدفع ثمن غالي. بس قبل ما ندخل في الموضوع خليني ابدأ معاك بسؤال: